Балотели постигна договор со нов клуб

Контроверзниот италијански напаѓач ја напушта Европа. Балотели кариерата ќе ја продолжи во бразилскиот великан Фламенго со кој ги договори сите услови во договорот.

Балотели со овој клуб ќе потпише договор до декември 2021. година, а во тој период ќе заработи околу 15 милиони евра.

Наскоро се очекува официјална потврда на овој трансфер, па Балотели во наредните две години ќе го гледаме во дресот на Фламенго.

Балотели зад себе има богата кариера. Започна во Интер, а играше уште за Милан, Ливерпул, Манчестер Сити, Ница и Марсеј.