Балотели е спремен за вечерашниот натпревар

Осмото коло од Серија А ќе го затвори вечерашниот дуел помеѓу Бреша и Фиорентина.

Бреша во изминатите два натпревари имаше тешки противници. Но, екипата од Ломбардија не се посрамоти ниту против Јувентус ниту против Наполи, но сепак запиша два порази. Сега Бреша сака да ја прекине серијата, но повторно пред себе има тежок противник, екипата на Фиорентина, која е во серија од три врзани победи.

Добрите вести за Бреша се дека Балотели ќе биде спремен за вечерашниот натпревар. Балотели беше под знак прашаник поради проблем со коленото. Сепак, тој вчера тренираше со првиот тим на Бреша, а откако беше заклучено дека е спремен, повикан е за натпреварот против Фиорентина.

Сега останува да се види дали тренерот ќе го стави италијанскиот напаѓач од првата минута или пак ќе го започне натпреварот од клупата за резерви.