Балотели ги избра неговите најдобри 11, едно име е посебно изненадување

Марио Балотели секогаш важеше за голем талент, но поради неговиот проблематичен карактер никогаш не го исполни својот потенцијал.

Иако не може да се каже дека не успеа да направи добра кариера, сепак впечаток е дека можеше многу повеќе. Балотели во кариерата играше за клубови како Интер, Милан, Манчестер Сити, Ливерпул и Марсеј, а денес е во Бреша.

Во последните години се поретко е на насловните страни поради некакви глупости и изгледа како да се смири, а сега доби прилика да ги избере неговите најдобри 11.

Идеалниот тим на Балотели изгледа вака:

Жулио Цезар, Маикон, Максвел, Неста, Канаваро, Пирло, Туре, Џерард, Касано, Роналдо и Меси.

„Бразилецот, секако“, одговори Балотели на прашањето на кој Роналдо мисли. За многумина најголемо изненадување во тимот е изборот на Антонио Касано.