Аргентинско шоу во Милано: Игуаин го реши Интер (видео)

Јувентус го победи со сега перфектниот Интер и тоа на „Џузепе Меаца“ и се врати на врвот на табелата во Серија А.

Возбудлив натпревар одиграа италијанските гиганти, а најрасположени беа аргентинските стрелци. Резултатот го отвори Дибала уште во 5-та минута со прекрасен гол од врвот на шеснаесетникот.

Интер веднаш реагираше, ја презеде иницијативата и доби пенал во 18-та минута, откако Де Лихт играше со рака во казнетиот простор. Сигурен реализатор од белата точка беше Лаутаро Мартинез.

Последните 15 минути од првиот дел му припаднаа на гостите, дури и постигнаа гол преку Роналдо, кој оправдано беше поништен поради офсајд.

Од стартот на вториот дел Јувентус имаше блага иницијатива, а Интер спорадично се закануваше. Моментот на одлука се случи во 80та минута, кога Игуаин го матираше Хандановиќ за конечни 1:2.