Анчелоти: Зошто Азар не игра? Затоа што сум избрал други пред него

Eден Азар во овој момент е спремен, повредите се зад негго, но очигледно не е во плановите на Карло Анчелоти.

Азар не е ни приближно оној играч од времето во Челзи, но во Реал се надеваат дека Белгиецот ќе почне да игра како што се очекува од него. Од доаѓањето во Мадрид имаше проблеми со повредите, а иако сега е спремен Анчелоти нема намера да игра со него во стартниот тим.

„Азар може да игра скоро во секоја формација. Спремен е за игра, но тренерот преферира некој друг играч. Тој нема статус на ѕвезда во Реал Мадрид поради бројните повреди, но малку по малку ќе ја добиеме неговата најдобра верзија“.

„Сигурен сум дека оваа сезона од него ќе го видиме најдоброто. Има квалитет и мотивација, но едноставно мора да чека прилика затоа што тренерот понекогаш избира други играчи“, изјави Анчелоти.