Анчелоти за Азар: Ако сака да замине, нека си замине

Eден Азар во последните неколку недели се поврзува со заминување од Реал Мадрид.

Англиските медиуми често белгиската ѕвезда ја селат на Островот, а како потенцијални дестинации се споменуваат неговиот поранешен клуб Челзи, но и Њукасл со богатите сопственици.

За евентуалното заминување на Азар во јануарскиот преоден рок денес на прес-конференцијата зборуваше Карло Анчелоти.

„Никогаш во тренерската кариера не сум задржал играч кој сака да си замине. Ако јас се прашувам нема никакви дилеми. Ако играчот сака да замине, нека замина. Нема што премногу да се разговара“, изјави Анчелоти.

Азар во Реал Мадрид пристигна во 2019 година за повеќе од 100 милиони евра и од него се очекуваше многу во Реал, сепак не ги исполни очекувањата.