Анчелоти го одбил Интер пред да потпише за Реал

Карло Анчелоти пред неколку дена седна на клупата на Реал Мадрид, но имал понуда и од друг европски гигант.

„АС“ открива дека Анчелоти добил понуда од Интер, но ја одбил поради своето минато во Милан.

Интер беше во потрага по тренер после заминувањето на Антонио Конте, а прва желба на „нероаѕурите“ бил Карло Анчелоти.

„Тоа што сум денес му го должам на Милан, не можам да ги предадам“, бил одговорот на Анчелоти.

Анчелоти како играч и тренер помина 13 години во Милан каде освои 15 трофеи.

Во меѓувреме Интер за нов кормилар го назначи Симоне Инзаги.