Англиските медиуми: Роналдо поради блеење на овци го сменил домот во Манчестер

Кристиано Роналдо се врати во Манчестер Јунајтед, а медиумите пишуваат дека веќе се соочил со првите проблеми.

Таблоидот „Сан“ објави дека Роналдо морал да го промени домот во кој се вселил на почетокот. Наводно во близина на куќата имало фарма со овци, а нивното блеење му пречело на Португалецот.

На оваа тема засега Роналдо не се огласи во јавноста.

Се наведува дека и блеењето на овците не бил единствениот проблем. Луѓето од обезбедување забележале дека локацијата не е лесно пристапна и не може лесно да се надгледува, па затоа Португалецот со неговото семејство побарал нов дом.