Алкантара може да се врати во Барселона

Постои можност играчот од средниот ред на Баерн Минхен, Тиаго Алкантара да се врати во Барселона, тврди „Мундо Депортиво“.

Весниот кој е близок до Барселона открива дека извршниот директор на каталонскиот гигант, Хавиер Бордас внимателно ја следи ситуацијата на 29-годишниот фудбалер, кој е дете на Барса но не успеа да се наметне во составот и во 2013 година се пресели во Минхен.

Алкантара е шесткратен германски шампион и три пати го има освоено германскиот куп и Суперкупот. Во неговата витрина има и Европски супер куп и Светското клупско првенство.

Неговиот договор со Баерн е до летото 2021 година, но тој е многу важен дел за тимот и Баварците веќе почнаа преговори за продолжување на соработката.