Алегри потпишува нов договор со Јувентус!

Тренерот на италијанскиот шампион Јувентус, Макс Алегри, ќе го обнови договорот со клубот во јуни, пренесуваат италијанските медиуми.

Весникот „Ла Стампа“, кој е во сопственост на фамилијата Ањели, пишува дека новиот договор на стратегот ќе биде до 2020 година.

На овој начин „бјанконерите” ќе им стават крај на шпекулациите дека Алегри ќе го напушти клубот по завршувањето на сезоната, за да застане на чело на Барселона или Арсенал.

Алегри е на пат да го изведе Јуве до историски трет дубл во Италија. Во моментов „бјанконерите“ се лидери во Серија А со 6 поени предност пред Рома и се во финалето во Купот.