Ако Струга го помине Жалгирис ќе игра двомеч со Галатасарај

Македонскиот шампион Струга Трим Лум ќе игра против турскиот гигант Галатасарај ако го помине Жалгирис во првото квалификациско коло за ЛШ.

Откако вчера беа извлечени паровите за првото коло денес во Нион беше извлекувањето и за потенцијалните противници во второто коло.

 Жалгирис сезонава во литванското првенство е на третата позиција по 18 кола и игра не така добра сезона, па тоа можеби е прилика за Струга да обезбеди двомеч со славниот турски гигант.

Ќе потсетиме, ако Струга биде поразена од Жалгирс продолжува во второто квалификациско коло за Конференциската лига каде што се Шкендија, Шкупи и Македонија Ѓорче Петров.