Адриен Рабио го избра бројот во Јувентус

Францускиот фудбалер Адриан Рабио вчера официјално стана нов фудбалер на Јувентус.

Рабио вчера стана слободен играч откако му истече договорот со ПСЖ, но само неколку часа покасно беше претставен како ново засилување на Јувентус.

Овој 24-годишен играч со Старата дама потпиша четиригодишен договор, а по сезона ќе заработува околу седум милиони евра.

Рабио денеска беше официјално претставен на стадионот на Јувентус и се сликаше со дресот на овој клуб. Одлучи да го избере бројот 25, број кој го нозеше и додека играше во ПСЖ.

На промоцијата своја изјава даде и Рабио, кој откри дека со Јувентус се воделе преговори уште поодамна.

„Имаше преговори со Јувентус и претходни, но тоа беше друг период од мојот живот. Денеска едноставно се’ се поклопи и еве сум. Се’ се случи брзо, течеше без проблеми. Јувентус е голем клуб, иако имаше некои проблеми претходните сезони бидејќи не можеше да дојде до титулата во ЛШ. Но како што гледам, Јуве сепак е скалило погоре во однос на ПСЖ.“

?2️⃣5️⃣? pic.twitter.com/BGeYS1gEk9

— JuventusFC (@juventusfc) July 2, 2019