Агуеро има одлични опции за избор на нов клуб

Серхио Агуеро после десет години го напушта Манчестер Сити.

Граѓаните потврдија дека Аргентинецот ќе замине од клубот по истекот на договорот, а веќе наголемо се лицитира со имиња за можен следен клуб.

За сега два клуба се издвојуваат пред сите. Тоа се Барселона и ПСЖ, а токму за оваа тема зборуваше и познатиот Џанлука Ди Марцио.

Италијанскиот новинар тврди дека постои интерес од двата клуба, но Барселона ќе преверира некој млад и поевтин пред Агуеро.

„Агуеро е во контакт со Барселона. Се разгледува неговото донесување, а и играчот би сакал да заигра на Камп Ноу. Меѓутоа, постојат два проблеми. За раководството на Барселона тој не е прв избор, бидејќи сакаат млад напаѓач, но и фактот што платата му е премногу висока.“ – рече Ди Марцио и додаде:

„ПСЖ е многу, многу повеќе заинтересиран за Агуеро.“

Агуеро за Сити одигра 384 натпревари и постигна 257 погодоци и учествуваше во најголемите достигнувања на клубот во историјата.