Агентот на Ромелу Лукаку, Федерико Пасторело денес имаше средба со раководството на Интер.
„Нероаѕурите“ имаат големи финансиски проблеми и минатата сезона по неколку месеци им ги доцнеа платите на играчите. Притоа на крајот на сезоната побараа од фудбалерите да прифатат намалување на платите.
Кој ќе тепа на Ел Класико!? ↓↓↓
Лукаку неодамна изјави дека е среќен во Интер, а тоа денес го потврди и неговиот агент. Меѓутоа, Пасторело напомена дека играчот сака регуларно да ја добива платата или во спротивно ќе разгледа други понуди.
„Лукаку е среќен во Интер. Имаме договор и нема проблем. Меѓутоа, Ромелу сака регуларно да ја добива својата плата. Во спротивно ќе бидеме приморани да ги разгледаме другите понуди“, изјави Пасторело.