Јувентус се предомисли – не го дава Алекс Сандро

Алекс Сандро веќе две години е на излезна врата од Јувентус, но последните информации од Апенините говорат дека Бразилецот сепак ќе остане во „црно-белиот“ дрес.

„Старата дама“ минатото лето одолеа на богатите понуди и го задржа Алекс Сандро во своите редови, но медиумите тврдеа дека Бразилецот сигурно ќе биде продаден ова лето.

За него интерес покажуваат Манчестер Јунајтед и ПСЖ, кои се спремни да платат 60 милиони евра, но „бјанконерите“ сакаат да го задржат по секоја цена.

Имено, Јувентус ќе му понуди нов, побогат договор до 2023 година и веќе следната недела има закажано средба со неговиот агент.

Бразилецот има понуда од Манчестер Јунајтед, но „бјанонерите“ се спремни да му ја понудат истата сума, односно 5,5 милиони евта по сезона за да го задржат во своите редови.

Италијанските медиуми тврдат дека Алекс Сандро во овој момент е многу поблиску до останување, отколку до излезната врата.