Јувентус повторно започна преговори за Милинковиќ-Савиќ

Управата на Јувентус ги обновила преговорите за доведување на Сергеј Милинковиќ-Савиќ, пренесува „Кориере дело Спорт“.

„Старата дама“ се соочува со големи проблеми на средината на теренот поради повредата на Погба кој според некои прогнози ќе може да му помогне на тимот на почетокот на 2023 година.

Покрај Погба Вистон Мекени го повреди рамото и се соочува со пауза од еден месец. Поради тоа повторно се започнати преговори со српскиот репрезентативец.

Проблем во преговорите може да претставува претседателот на Лацио кој не сака да го пушти Савиќ за оштета помала од 60 милиони евра. Челниците на Јувентус ќе се обидат да ја спуштат цената, но ќе видиме дали ќе успеат или на крајот ќе се откажат од Савиќ.