Јувентус бара напаѓач во јануари

Еден од приоритетите на Јувентус во овој преоден рок ќе биде централен напаѓач.

„Бјанконерите“ имаат намера да доведат некој кој нема скапо да го платат, а во игра се две имиња.

Една од опциите е Фернандо Љоренте кој веќе во минатото го носеше дресот на „старата дама“, а втората е напаѓачот на Каљари, Лука Паволети.

Теретот на првиот дел од сезоната на свој грб го изнесоа Кристиано Роналдо и Алваро Мората, додека Паоло Дибала разочара.

Желба на Јувентус е и Оливие Жиру, но според најавите од Италија Французинот во овој момент е прескап за клубот од Торино.