Јанис блескаше, Милвоки намали на 2:1 во финалето 🎥

Третиот натпревар во финалето на НБА помеѓу Милвоки и Феникс заврши со победа на Бакси од 120:100.

Санси приклучок држеа само во првата четвртина, додека Милвоки ја заврши работата прилично рано и тоа веќе во втората четвртина која ја добија со резултат со 35:17.

Преостанатите два периоди беа рутинско одработување за Јанис и соиграчите. На крајот конечниот резултат гласеше 120:100 и сега е 2:1 во серијата за Санси. Антетокумпо беше најдобар во својот тим со 41 поен и 13 скокови, солиден беше и Џру Холидеј со 21 поен.

Кај поразените со 19 поени се истакна Крис Пол, додека своа ноќ немаше и Девин Букер кој натпреварот го заврши со 10 поени. Четвртиот натпревар се игра ноќта помеѓу среда и четврток, исто така во Фисерв Форум арената во Милвоки.