Изгледа дека Ди Марија конечно одлучи каде ќе ја продолжи својата кариера, па по гласините дека ПСЖ сака да го продаде, одлучи да им соопшти на управата на францускиот клуб каде сака да игра.
Имено, шпанскиот „Sport“ пренесува дека Ди Марија им рекол на управата на ПСЖ и на тренерот Унаи Емери дека сака да се пресели во Барселона. Тој ја замоли управата да не му стојат на патот за реализација на овој трансфер.
Данска vs. Македонија: Како тие се справуваат со отпадот, додека ние се расправаме кој е крив?
Спортскиот директор на Барселона минатата недела изјави дека на Каталонците им се потребни уште две засилувања, а многумина сметаат дека тие две засилувања кои ги сака Барса се Анхел Ди Марија и Филипе Кутињо.
Во Барселона се запознаени со фактот дека Ди Марија сака да се пресели во нивните редови, но постигнување договор со ПСЖ, по сите контроверзии околку трансферот на Нејмар ќе биде исклучително тешко.
Она што би можело да им помогне на Барса и Ди Марија за да постигнат заедничка цел е фактот дека на тренерот на ПСЖ му се допаѓа стилот на игра на Андре Гомеш, фудбалерот на Барса, па до трансферот на Ди Марија во Барса би можело да дојде и како замена на овие два играчи, со секако дополнителна парична компензација.
Учество во игри на среќа е дозволено за лица со 18+ години. Играј одговорно!