Червар после победата над светскиот шампион: Многу сум среќен

Репрезентацијата на Хрватска го победи светскиот шампион и во сабота во дански Хернинг ќе игра за петтата позиција.

Хрватска ја совлада Франција со 23:20 и така на најдобар можен начин ја заврши главната фаза после двата врзани порази кои ги платија со тоа што нема да бидат во игра за освојување на медал.

„Заслуживме да победиме, бидејќи игравме со голем ентузијазам и карактер. Одбраната беше одлична имаше интезитет, а во нападот бевме креативни. Многу сум среќен“, изјави Червар.

Натпреварот за петтата позиција Хрватите ќе го играат во сабота.