Челзи почна преговори со Жоржињо, тој сака да се врати во Италија

Фудбалерот на Челзи, Жоржињо би можел да го напушти клубот и пред завршување на договорот во 2023 година, а тоа го најави неговиот менаџер Жоао Сантош.

Жоржињо следното лето ќе влезе во последната година од договорот, а агентот тврди дека негов сон е да се врати во Италија.

Жоржињо во 2018 година од Наполи се пресели во Челзи за 50 милиони фунти, а неодамна беше избран за најдобар играч во Европа од страна на УЕФА.

Сепак, Челзи не сака да се раздели со Италијанецот и веќе започна преговори за нов договор.

Според англиските медиуми „сините“ му понудиле значително зголемување на платата и се оптимисти дека Жоржињо наскоро ќе стави потпис на нов договор.