Хари Кејн е неверојатен, сруши рекорд стар 60 години

Хари Кејн игра во фантастична форма во дресот на Баерн Минхен и не запира да ги тресе противничките мрежи.

Англискиот репрезентативец за викендот во дербито против Борусија Дортмунд постигна хет-трик и така го сруши рекородт на екс-напаѓачот на Шалке, Клаус Матијашек. Тој по десет натпревари постигна 13 голови, додека Кејн дојде до бројката од 15.

Ако продолжи со одличната форма, Кејн сигурно ќе сруши и уште некој рекорд во Германија. Очигледно дека баварците со доведувањето на англискиот голгетер направија одличен потег и сите во Минхен се презадоволни од неговиот учинок.

До доаѓањето во Баерн, Кејн скоро целата своја кариера ја помина во Тотенхем, а сега трансферот се покажува како полн погодок.