Фјури: Ќе го нокаутирам Џошуа во првите две рунди

Тајсон Фјури верува декВа Ентони Џошуа има проблем со самодовербата и верува дека би го нокаутирал во борбата која сите љубители на боксот сакаат да ја видат.

Фјури го има појасот во ВБЦ, а Џошуа во ВБА, ВБО, ИБФ и ИБО дивизиите и победникот во овој меч би бил апсолутен шампион во тешка категорија.

„Не верувам дека е толку добар колку што луѓето зборуваат и мислам дека и тој самиот не си верува дека е така добар. Има проблем со самодовербата. Суштината во боксот секогаш е во тоа кој е во форма, а кој не“.

„Во последните две борби тој не беше форма, додека јас сум и сум во налет. Ќе го нокаутирам во првите две рунди“, изјави Фјури.

Потенцијалната борба сигурно би била една од најголемите во историјата на боксот, па веројатно и ќе се случи во 2021 година.