ФОТО: Ливерпул на навивачите за „Black Friday“ им ја спушти цената на циглите

„Black Friday“ или Црн петок кој се смета за празник на големите попусти ширум светот е ден кога сите купуваат нешто што го чекаат целата година.

Сите продавници ширум светот нудат големи попусти, а меѓу нив се и речиси сите големи светски клубови во чии фан продавници можете да ги најдете сите клупски артикли.

Така е и во Ливерпул, а особена понуда меѓу сите артикли е циглата. „Црвените“ понудија 20% попуст на сите артикли кои чинат повеќе од 80 фунти, па така циглата од легендарниот „Енфилд“ можете да ја добиете по значително прифатлива цена.

Редовна цена е 95 фунти, а ако купите цигла, на неа можете да го изрежате и вашето име и презиме.