ФА подигна обвинение за Ван Дајк

Фудбалската асоцијација на Англија подигна обвинение за Вирџил ван Дајк за неговото однесување на мечот со Њукасл.

Неговата реакција по црвениот картон на дербито со Њукасл беше претерана, по што му се заканува подолга суспензија од таа од еден меч.

Ван Дајк доби црвен картон за стартот над Александер Исак на „Сент Џејмс парк“, но Ливерпул со двата гола на Дарвин Нуњез стигнаа до пресврт и победа од 2:1.

„Вирџил ван Дајк е обвинет за прекршување на Е3.1 одделот од правилата на ФА на 27 август. Дефанзивецот се однесуваше на неприфатлив начин и користеше навредливи зборови кон судијата откако доби црвен картон во 29. минута од мечот. Тој има време до 1 септември да одговори на обвинението“, соопштија од ФА.