УЕФА ги одложи сите натпревари во Израел

Европската куќа на фудбалот (УЕФА) ги одложи сите натпревари кои во текот на следните две недели требаше да се играат во Израел.

Повеќе од 600 Израелци се убиени во нападите од Газа од саботата, објави Владата. УЕФА истакна дека квалификацискиот натпревар за ЕП 2024 на Израел против Швајцарија кој требаше да се игра во четврток е одложен.

Новиот термин за натпреварот се уште не е потврден. УЕФА соопшти дека во наредните денови ќе ја процени ситуацијата и ќе види дали има можност за одигрување на следниот натпревар на Израел против Косово на 15. октомври.

„УЕФА ќе продолжи да ја следи ситуацијата и ќе остане во контакт со сите вклучени страни при донесувањето одлуки за новите датуми и потенцијалните промени за следните натпревари“.

Шампионот на Израел, Макаби Хаифа оваа сезона игра во Лигата на Европа и по репрезентативната пауза треба да гостува на шпански Виљареал. Нивниот следен натпревар на домашен терен е на 7. ноември против истиот тим.