Трансферот договорен: Познато кога Ериксен ќе биде промовиран во „крал“

Шпанските медиуми лансираа вистинска „бомба“ и тврдат дека Реал Мадрид го договорил трансферот на ѕвездата на Тотенхем, Кристиан Ериксен.

Познатата спортска емисија „Ел Чирингуито“ откри дека данскиот репрезентативец ќе биде претставен како ново засилување на Реал Мадрид само еден ден по финалето во Лигата на шампиони, а денес стигна потврда и од сите еминентни медиуми во Шпанија.

Ериксен влегува во последната година од договорот и одби да ја продолжи соработката со „спарси“ бидејќи сака нов предизвик во кариерата.

Поради тоа Тотенхем мораше да се согласи на негова продажба, а медиумите тврдат дека постигнале комплетен договор со Реал Мадрид.

Имено, „кралевите“ за потписот на Ериксен ќе платат 100 милиони евра, а Данецот ќе потпише 4-годишен договор.

Се очекува само да се одигра финалето во ЛШ, па уште следниот ден Реал ќе ја официјализира новата голема аквизиција.

?¡INFORMACIÓN de @JaimeAstrain!? "ERIKSEN será JUGADOR del REAL MADRID tras la FINAL de Champions". #ChiringuitoMadrid pic.twitter.com/XATbAIpmpv

— El Chiringuito TV (@elchiringuitotv) May 20, 2019