Тотенхем се вклучи во трката за Пјаниќ

Англиските медиуми пренесуваат дека Тотенхем се вклучил во трката за потписот на Миралем Пјаниќ.

Пјаниќ минатото лето пристигна на „Камп Ноу“ како големо засилување, но е во втор план на кај тренерот Куман и често ја грее клупата за резерви.

Пјаниќ сака да си замине, Барселона сака да се ослободи од неговата висока плата, па може да замине на позајмица ова лето.

Како фаворит за неговиот потпис важеше Јувентус, но сега сериозно во трката се вклучи Тотенхем.

Новиот спортски директор Фабио Паратичи е во одлични односи со Босанецот и го убедува да се пресели во Премиер лигата.

Тотенхем може да му ја гарантира истата плата која ја добива во Барселона, а Каталонците се спремни да го пуштат на позајмица со истекот на договорот.