Тиаго Силва го нападна Пикси: Покажа непочитување кон нас

Капитенот на бразилската репрезентација, Тиаго Силав го критикуваше српскиот селектор, Драган Стојковиќ-Пикси.

Бразил синоќа ја победи Србија со 2:0, а Тиаго Силва се почувствувал навреден од коментарите на Пикси дека Бразилците се моќни само во нападот.

„Слушнав дека нивниот селектор пред мечот изјавил дека Беазил има бројни одлични напаѓачи, но нема врвни играчи во одбраната. Тоа е недостиг на почит кон нашата историја, не само кон мене лично, туку кон сите соиграчи. Не бараме никој да се плаши од нас. Но, респект треба да има. Да го анализирате нашиот тим, ќе видите дека примивме многу малку голови, без разлика дали игравме со тројца или четворица во последната линија“, изјави Тиаго Силва.