Тандемот повторно се спои: Влахо ќе му помага на Седлоски во Шкупи

Стратегот Гоце Седлоски во Шкупи ќе има нов помошник пред продолжението на европската сезона и стартот на домашните натпревари.

Неодамна стручниот штаб на Седлоски го напушти Павел Неделковски. Тој имаше улога на помошник на Седлоски, па затоа клубот мораше да реагира и да доведе нова замена.

Ново име во Шкупи е Александар Влахо кој веќе во кариерата има соработувано со Седлоски. Двајцата беа во Вардар, Рига и Динамо Загреб. Потоа Влахо тргна да гради самостојна тренерска кариера во Работнички.

Ќе видиме како сега овој тандем ќе функционира во Чаир.

Фото: ФК Работнички