Суперкупот помеѓу Интер и Јувентус ќе се игра во Саудиска Арабија

Финалето на Суперкупот на Италија следната сезона ќе се игра во Саудиска Арабија, потврди претседателот на Серија А.

Натпреварот помеѓу шампионот и освојувачот на Купот на Италија се одигра во Саудиска Арабија во 2018 и 2019 година, додека последниот се одигра во Италија поради пандемијата на Ковид 19.

„Следниот Суперкуп ќе се одржи во Саудиска Арабија, со навивачи, како што предвидува нашиот договор“, потврди Дал Пино.