Со хет-трик го сруши Наполи, сега го сака – Јувентус

Екипата на Јувентус би можела да се обиде да го доведе момчето кое ги донесе на чекор од шампионската титула во Италија.

Секако, станува збор за напаѓачот на Фиорентина, Џовани Симеоне кој во изминатиот викенд постигна хет-трик против Наполи и така го донесе Јувентус многу блиску до

Скудетото со оглед дека „старата дама“ има предност од четири бода на три кола пред крајот на првенството.

Одличните настапи на Аргентинецот и претходно беа под „лупа“ на големите клубови. Констатно се пишуваше за негов трансфер, а „Тутоспорт“ тврди дека во натпреварот против Наполи воодушевил многу клубови.

Помеѓу заинтересираните клубови за Симеоне е и Јувентус. Раководството на „старата дама“ наводно размислува за негово ангажирање.

Симеоне помеѓу „виолетовите“ пристигна од Џенова за 15 милиони евра и постигна 13 голови во досегашниот дел од сезоната. Претходно го носеше дресот на Ривер
Плата, а негов татко е стратегот на Атлетико Мадрид, Диего Симеоне.