Синоќа е прекината неверојатна серија на Шпанија

Во пријателски натпревар одигран синоќа помеѓу Португалија и Шпанија немаше победник.

После 90 минути игра мрежите мируваа, а на тој начин е прекината една неверојатна серија.

Имено, пред синоќешниот натпревар репрезентацијата на Шпанија во серија од 42 натпревари постигнале погодок.

Оваа серија започна после осминафиналето на ЕП во 2016 година на натпреварот против Италија (0:2) и ова претставува рекорд во историјата на шпанската репрезентација.

Да потсетиме, Шпанија во рамките на Лига на нации ќе се сретне со Швајцарија, додека Португалија ќе ги одмери силите на гости кај Франција.