Серија А продолжува без ВАР?

Италијанските медиуми пренесуваат дека постои можност во продолжение од сезоната во Серија А да нема ВАР.

Серија А е прекината веќе четири недели, денес се појавија првите најави дека би можела да продолжи на крајот на мај. До крајот на сезоната останаа уште девет кола. Се очекува натпреварите да се играат без публика, а раководството размислува како да го намали бројот на присутни на стадионот.

Затоа се шпекулира дека сезоната ќе се доигра без ВАР системот. Овој систем бара голем број техничари кој и уште неколку дополнителни судии кој ќе бидат во една просторија, па затоа продолжување без ВАР изгледа како паметна опција.

Засега ова е само опција која се разгледува, ќе почекаме да видиме дали ќе има и официјална одлука.

Ќе потсетме лидер во првенството е Јувентус со еден бод повеќе од Лацио.