Светот му се смее на Жиру: Што ли правеше во Русија!?

Напаѓачот на Челзи, Оливие Жиру е светски шампион со репрезентацијата на Франција.

Жиру и соиграчите вчера со 4:2 во финалето на Мундијалот во Русија ја победија Хрватска и со тоа стигнаа до вториот наслов шампион во светот, но ако можеме да кажеме дека некој не имаше премногу интерес за прослава, тогаш тоа е Жиру.

Напаѓачот ги одигра сите седум натрпевари, сите ги започна од првата минута, но знаете ли колку голови псотигна? Нула.

И тоа не е толку страшно да не постои податокот дека Жиру не упати ниту еден удар кон голот на противникот. Одигра 90 минути против Перу, Данска, Аргентина и Уругвај, 20 против Австралија, 85 против Белгија и 81 против Хрватска, но тоа не му беше доволно да шутира кон голот.

Но, кој се грижи сега за тоа, Жиру и Французите го слават големиот успех, а Жиру на некој друг начин им помогна на Триколорите, што очигледно го препозна и Дешамп.