Санчез на чекор од Милан, Ботман се оддалечува

Примарна трансфер цел на Милан ова лето ќе бидат двете ѕвезди на Лил, Ренато Санчез и Свен Ботман.

Дефанзивецот треба да биде замена за Ромањоли, додека „росонерите“ во Санчез гледаат идеален наследник за Франк Кеси, кој се пресели во Барселона.

Милан има комплетен договор со двајцата фудбалери, а веќе подолго време преговара со Лил. Според последните информации постигнат е договор за трансфер на Ренато Санчез за 18 милиони евра и во следните денови Португалецот ќе пристигне во Милано.

Што се однесува до Ботман, за него конкуренцијата е голема бидејќи го сакаат уште ПСЖ, Њукасл, Манчестер Јунајтед и Тотенхем.

Милан нуди 30 милиони евра за неговиот потпис и тој преферира преселба на „Сан Сиро“, а проблем е што англиските клубови се спремни да платат 40-45 милиони евра за Холанѓанецот.

🚨 Milan have agreed terms with Renato Sanches. Continuous contacts with Lille to close the deal at €18-20M. Botman, however, is moving further from Milan. Tottenham, Man United and Newcastle are strongly pursuing the Dutch defender

[@SkySport] pic.twitter.com/jlb5NbQyjZ

— CHAMPIONS OF ITALY 🏆 (@MilanEye) June 7, 2022