Санчез конечно ги израдува навивачите на Арсенал!

Повеќе не е тајна дека Санчез сака да си замине од Арсенал, но навивачите на лондонскиот клуб во сето тоа пронајдоја и мала утеха.

Санчез до крајот на сезоната има договор со Арсенал, но за клубот да го избегне она најлошото и да остане без надомест од Чилеанецот, одлучи да го продаде уште во јануари. За Чилеанецот се заинтересирани двата клуба од Манчестер. Сити е во пол-позиција кога станува збор за неговото доведување, но во трката се вклучи и Јунајтед, но набрзо навивачите на Арсенал ги израдува веста дека поранешниот играч на Барселона одбил да си оди во лутиот ривал.

Како што јавува „Тhe Sun“, Санчез го одбил Јунајтед за да се пресели во Сити кај Пеп Гвардиола, а трансферот би требало да вреди околу 25 милиони фунти. Иако, Арсенал сака да извлече уште 10 милиони од богатите сопственици на Сити, додека Санчез да добие повеќе од 275.000 фунти неделно, колку што и заработува на „Емирати“, а во 165 натпревари постигна 80 гола.