Салах се договори со Ливерпул – Рома не сака да слушне!

Ливерпул е сериозно заинтересиран за фудбалерот на Рома, Мохамед Салах, а англиските медиуми пренесуваат дека фудбалерот веќе постигнал договор со клубот од „Енфилд“.

Мохамед Салах, еден од најдобрите играчи на Рома во изминатите две сезони, веќе ги договорил личните услови со „црвените“ кои му понудиле договор од 4,5 милиони евра по сезона.

Наводно Ливерпул веќе доставил првична понуда од 32 милиони евра, но Рома експресно ја одбила таа понуда.

Англискиот премиерлигаш ќе треба да се обиде со нова, побогата понуда, а се претпоставува дека Рома би прифатила 40 милиони евра за крилниот напаѓач.