Роналдо: Има и реванш, верувам дека ќе одиме понатаму

Фудбалерите на Јувентус синоќа не одиграа добар натпревар против Лион во Лигата на шампиони и загубија со 1:0.

Првата ѕвезда на „бјанконерите“, Кристиано Роналдо сепак е оптимист пред реваншот и верува дека неговиот тим ќе се пласира во четвртфиналето од Лигата на шампиони.

„Ова не е резултат кој го посакувавме, но натпреварите во Лигата на шампиони се секогаш тешки. Имаме уште 90 минути да се бориме во Торино и веруваме дека ќе минеме понатаму“, истакна Португалецот. 

Роналдо синоќа одигра лош меч против Лион, а реваншот ќе се игра во Торино на 17-ти март.