Роналдо веќе има 31 трофеи на клупско ниво

Ѕвездата на Јувентус, Кристиано Роналдо продолжува да испишува историја во европскиот фудбал.

Со освоеното Скудето синоќа стигна до 31 трофеј на клупско ниво – Спортинг Лисабон (1), Манчестер Јунајтед (11), Реал Мадрид (16) и Јувентус (3)

35-годишниот Роналдо оваа сезона има постигнато 31 гол во Серија А и води битка за Имобиле за најдобар стрелец во Серија А.

Среќен сум што продолжив да ја создавам историјата на овој одличен клуб. Не беше лесно. Вашата храброст, став и решеност станаа силата што ни требаше во овој напнат крај на првенството и борбата за титулата“, истакна Португалецот.