Рики Рубио во Јута!

Кошакарот на Минесота, Рики Рубио од наредната сезона ќе го носи дресот на тимот на Јута, пишува „ESPN“.

Рубио прикажуваше добри настапи после ОЛ стар паузата со 16 поени и 10.5 асистенции по натпревар. Во шестгодишната кариера во НБА има просек од скоро дабл-дабл, 10.3 поени и 9.1 асистенции по натпревар.

Единствениот проблем е што Рубио од вкупните шест само три сезони одигра повеќе од 70 натпревари за „волците“ поради проблемите со повредите. Рубио во последната сезоната заработи 14.9 милиони долари.

Минесота веќе го трејдуваше Крис Дан во Чикаго Булс за да го доведе Џими Батлер, па после заминувањето на Рубио во екипата ќе oстанува само еден плејмејкер – Тајус Џонс.