Рен: Сакавме повеќе да заработиме од продажбата на Камвинга

Откако Реал Мадрид во финишот од преодниот рок не успеа да го доведе Килијан Мбапе го доведе Едуардо Камвинга од Рен.

„Кралскиот клуб“ вчера го потврди трансферот на Камвинга за сума од околу 30 милиони евра што е многу помалку од оние 100 милиони евра кои ги бараше Рен пред една година.

„Операцијата се случи многу брзо. Секогаш зборував дека не сакаме да го изгубиме Камвинга без да заработиме ниту едно евро, а добро е и што тој размислуваше во таа насока. Имаше малку потешкотии минатата сезона сега му посакувам среќа. Сакавме и повеќе да заработиме од него, но тоа е тоа. Конечната сума на крајот зависи од повеќе фактори, не само тоа колку ние сакаме“, изајви спортскиот директор на Рен Флориен Маурис.