Реал Мадрид конечно се враќа на „Сантиаго Бернабеу“

Реал Мадрид конечно ќе има можност да се врати на својот стадион „Сантиаго Бернабеу“, пренесува „Марка“.

Вчера беше позната програмата за новата сезона во Примера, а „кралевите“ ќе ги играат првите три меча како гости, против Алавес, Леванте и Бетис, а потоа на 12 септември ќе се вратат во својот дом.

Ваквиот распоред е направен по молба на Реал, за да имаат доволно време да ги одиграат сите домашни натпревари на „Сантиаго Бернабеу“.

Поради реконструкцијата на Бернабеу, Реал нема играно на тој стадион од март 2020 година, а минатата сезона натпреварите ги играше на „Валдебедас“.