Реал кешира 60 милиони за ѕвездата на Монако

Реал Мадрид е во напреднати преговори за францускиот репрезентативец, Орелиан Чаумени, пренесуваат шпанските медиуми.

Чуамени минатата сезона се наметна во тимот на Монако, а оваа сезона игра одлично и веќе е стандарден во француската репрезентација.

За Чуамени интерес покажуваат Ливерпул и Челзи, но Реал е спремен да ја победи конкуренцијата и веќе стапил во контакт со неговиот агент.

„Марка“ пренесува дека главниот скаут на „кралевите“, Џуни Калафат веќе неколку дена е во Монако и се обидува да го финализира трансерот на 22-годишниот играч за врска.

Анчелоти е во потрага по играч кој ќе може да биде алтернатива за Казимиро и верува дека Чуамени би бил идеален за таа позиција.

„Марка“ пренесува дека двата клуба се блиску до договор и Чуамени на лето би требало да се пресели во Мадрид за сума од 60 милиони евра.