ПСЖ „танцува“ и без Нејмар – „Стотка“ на Кавани, пета на Мбапе! (Видео)

Екипата на ПСЖ вечерва на гостувањето и без Нејмар успеа да забележи победа од 0:5.

ПСЖ едноставно е без конкуренција и ги „гази“ своите противници во домашното првенство и во овој момент нема тим кој би можел да ги загрози на првата позиција.

Тие денес против тимот на Анжер успеаа да слават со убедливи 0:5, иако во тимот го немаше Нејмар кој Емери го одмараше за продолжението од сезоната.

Само после 15 минути игра, Дани Алвеш успеа два пати да асистира, а погодуваа Мбапе и Дракслер, а до крајот на полувремето Мбапе да асистира на атрактивен начин и Кавани да го постигне својот 100 гол во француското првенство.

Во 60 минута следуваше нов погодок во мрежата на Анжер, Дракслер асистен, Кавани погодува и по втор пат. До крајот и Мбапе успеа да постигне својот втор погодок на натпреварот за конечни 0:5.