ПСЖ во „тесно“, Верати спремен на се!

Повеќе нема дилеми, сега е само прашање на кој начин.

Марко Верати не сакаше да дава изјави, но неговиот агент најави што ќе се случува. Каталонските медиуми тврдат дека состанокот е одржан и дека Верати на управата на ПСЖ и соопштил дека намера да се враќа во Париз.

Имено, тој е спремен на се, дури и да штрајкува доколку францускиот клуб не го продаде на Барселона.

Парите не играат никаква улога, во Барса би заработувал помалку, тој сака да го напушти Париз за да премине во поголем клуб и фудбалски да напредува.

Наводно има ветување од Барселона дека ќе плати 100 милиони евра, резервна опција е Баерн, но во овој момент изгледа Насер Ал-Келафи нема избор.

Имено, ПСЖ може да го спречи играчот, но Верати е упорен, правеше проблеми и надвор од теренот па изгледа клубот не би сакал да ризикува. Ако Барселона која финансиски не стои многу добро е спремна да плати 100 милиони веројатно ќе видиме еден од трансферите на летото.