Претседателот Сејдини и ген. секретар Поповски во УЕФА заведени како Северномакедонци, МНР реагираше

Министерството за надворешни работи испрати реакција до УЕФА откако на официјалниот сајт на УЕФА, претседателот Муамед Сејдини генералниот секретар Филип Поповски се заведени како Сверномакедонци.

Поради некои причини во делот за националност кај Сејдини и Поповски стои Северномакедонци. За споредба кај луѓето од Северна Ирска си стои, „Ирци“.

„МНР води сметка за точната употреба на државјанството и етничката припадност на граѓаните на Македонија.

Како и што сме реагирале и претходно, реагиравме и сега до УЕФА со барање да се променат термините согласно Уставот личната карта на земјата во Обединетите Нации“, порачаа од МНР.