Прво заминување по оставката на Седлоски: Каланоски после само два месеци го напушти Шкупи

Шампионот Шкупи го раскина договорот со напаѓачот Антонио Каланоски.

Искусниот напаѓач после само два месеци поминати на Чаир ќе си бара нов клуб. Веста за раскинувањето на договорот ја потврди тимот преку социјалните мрежи.

Како што објавија чаирчани до раскинување на соработката дошло после договор од двете страни.

Ова е првото заминување од таборот на Шкупи откако Гоце Седлоски ја напушти клупата на шампионите. Преодниот рок во Македонија е отворен од 6. септември па ќе видиме дали ќе има нови промени.

Во Шкупи Каланоски дојде од редовите на кратовски Силекс.