Поранешениот играч на Јувентус и Интер, уапсен поради марихуана

Луиџи Сартор е упасен од италијанската полиција поради незаконско одгледување марихуана на плантажа во близина на Парма.

Станува збор за познат италијански фудбалер кој играше за Јувентус, Интер, Рома, Парма, со три од овие четири екипи освојуваше и европски трофеј.

Италијанските медиуми, денес, објавија дека 46-годишниот Сартор, завршил зад решетки. Во својот дом тој одгледувал марихуана, а полицијата во неговиот дом нашла 106 стебла.

Италијанските медиуми шпекулираат дека од таа количина би можело да се собере 2 килограми марихуана за користење.

Станал соминтелен во текот на рутинска контрола, кога полицијата осетила мирис на канабис, па тргнале да го следат. Сартор во моментов е во домашен притвор.