Попович го пофали Дончиќ и порача: Замислете да постоеше Југославија, ќе беше возудливо

Легендарниот НБА стратег Грег Попович не можеше да не го пофали Лука Дончиќ.

Неговиот Сан Антонио беше поразен од Далас со 104:99, иако на почетокот на мечот имаа 20 поени разлика. Лука Дончиќ беше маестрален и постигна 25 поени, 10 од нив беа во последната четвртина кога се одлучуваше натпреварот.

Имаше некои важни потези со кои ги запре Спарси, а на крајот доби и честитки од Попович кој ја спомна и поранешната Југославија.

„Замислете да постоеше Југославија и сите овие момци да беа во ист тим. Тоа би било навистина возбудливо – Словенци, Хрвати, Срби…Дончиќ ме потсети на тоа – секој нов играч кој ќе се појави во овој регион е одличен. Се сеќавам на времињата на Дивац, Паспаљ, Кукоч и Петровиќ. Сите тие момци играа во исто време и беа одлични“, зборуваше Попович после мечот.

What are Gregg Popovich and Luka Doncic talking about? 💭👇

🎥 @dallasmavs pic.twitter.com/YFEDGLlgAY

— BasketNews.com (@BasketNews_com) October 29, 2021